وزیراعلیٰ بلوچستان نا خصوصی پارت آ ہسپتال آتا اپ گریڈیشن نا بابت دیوان

کوئٹہ(اے پی پی) چیف سیکرٹری بلوچستان کیپٹن (ر) فضیل اصغر نا کماشی ٹی وزیراعلیٰ بلوچستان جام کمال خان نا خصوصی پارت آ چندی ہسپتال آتا اپ گریڈیشن نا بابت دیوان اس اڈ ہلک ہراٹی الس ءِ گچین آسراتی تا فراوانی تون اوار چندی باندات آتا جاچ ءِ ہلنگا دیوان اٹی چیئرمین سی ایم آئی ٹی سجاد احمد بھٹہ، سیکرٹری جان جوڑی دوستین جمالدینی، سیکرٹری سی اینڈ ڈبلیو نورالامین مینگل، سیکرٹری خزانہ نور الحق بلوچ، و ڈی جی پی ڈی ایم اے عمران زرکون اسک ہم ساڑی ئسر۔ چیف سیکرٹری دیوان اٹی بشخ ہلوک آتیان تران کرسا پارے کہ الس ءِ جان جوڑی نا گچین آسراتی تا فراوانی صوبائی حکومت نا اولیت آتیٹی اوار ءِ و داڑکن ہروڑنا گام گیج کننگ انگ ءِ تانکہ الس ءِ اوفتا درگہ غا آسراتی دوبرے اوپارے کہ صوبائی حکومت بولان میڈیکل کالج ہسپتال، صوبائی سنڈیمن ہسپتال تون اوار چندی ہسپتال آتا اپ گریڈیشن آ سجفنگ انگ ءِ، ہرافتے ٹی جان جوڑی تون تعلقدار ہروڑنا پوسکن آ مشینری و ایلو آسراتی تا فراوانی ءِ پک کننگک انتئے کہ مہذب دنیا ٹی جان جوڑی نا آسراتی تے بنداوی انسانی حق اٹی ہم اولیت دوئی ءِ اوسیکرٹری جان جوڑی ءِ پارت کرے کہ دمدستی وڑاٹ ہسپتال آتا اپ گریڈیشن کن کنسلٹنٹس مقرر کننگے تانکہ زوت اپ گریڈیشن نا کاریم نا بنامننگ کے۔