پانزدہ دے ٹی رجسٹر مروک آ حاجی تا کچ دونیم لکھ آن گدرینگا

وزارت مذہبی باندات پارینے کہ پانزدہ دے اٹی رجسٹر مروک حاجی تا کچ دونیم لکھ آن گدرینگانے، تدوک آ دے 12 ہزار 880 حاجی تینا اُراٹی تولوک حج رجسٹریشن ءِ پورو کریر۔ سے شنبے نادے آ وزارت مذہبی باندات نا ترجمان عمر بٹ نا رداٹ حج پورٹل یا موبائل ایپ ”پاک حج“ انا کمک اٹ رجسٹریشن نا عمل بھاز آسانی اٹ مننگ کیکِ۔ دا وزیراعظم نا ویژن نا رداٹ ڈیجیٹل پاکستان نا تغ انا پورو مننگ نا کنڈآ اسہ اہم ءُ گام اسے۔ وزارت مذہبی باندات بروک آ ریسہ ٹی حج انا زرتس آتے ہم آن لائن ہلنگ نا اشارہ تسنے۔ نیشنل آئی ٹی بورڈ انا تیار کروک حج مینجمنٹ سسٹم حاجی و وزارت نا نیام اٹ رابطہ نا اسہ آسان ءُ کسر اس جوڑ مسنے۔ اسہ لکھ 87 ہزار بندغ سرکاری وخت اس کہ 63 ہزار پرائیویٹ حج اسکیم نا گچین کاری ءِ کریر۔ رجسٹر مروک حاجی تیٹی 3 ہزار پی ایچ ڈی، 45 ہزار ماسٹر و 60 ہزار بیچلر تعلیم نا دوئی کروک ءُ۔ 33 آن 44 سال انا حاجیک 76 ہزار نا کچ اتون نمان ءُ۔