ایمل ولی خان و مولانا فضل الرحمان نا اوڑدہی،حالیت آتیا گپ و تران

عوامی نیشنل پارٹی (اے این پی) نا بنجائی صدر سینیٹر ایمل ولی خان اسہ ڈل اسے تون اوار جمعیت علماء اسلام (ف) نا سروک مولانا فضل الرحمان تون اونا اُراٹی اوڑدہی کرے، ہراٹی ملک انا سیاسی حالیت، خاص وڑاٹ خیبر پختونخوا و بلوچستان اٹی امن و ایمنی نا ساڑی حالیت آتیا خوڑتی اٹ سجفنگا۔ اوڑدہی نا وخت آ ہڑتوم آ سرکڑدہ غاک خیبر پختونخوا و بلوچستان اٹی امن و ایمنی نا خراب مروک حالیت آتیا گڑتی درشانی کرسا دا ہیت آ امنا کریر کہ ساڑی حالیت آتا رِد اٹ تعلقدر ادارہ غاتا کنڈآن “ان کیمرہ بریفنگ” بھاز المی ءِ تانکہ سیاسی سرکڑدہ غاتے پیش بروک سیکورٹی چیلنج آتیان آگاہ کننگ مرے۔ سرکڑدہ غاک دا ہیت آ ہم زور شاغار کہ الس نا جان و مال انا رکھ ءِ پک کننگ و ڈیہہ اٹی مدامگی امن نا برجائی کن حکومت و تعلقدار ادارہ غاتے سنجیدہ، بھرمی گام گیج کروئی مریک۔ اوڑدہی ٹی ملک انا کل سیاسی حالیت و تین پہ تینی استخواہی نا ایلو باندات آتیا ہم گپ و تران کننگا۔