صدرِ نا زیارت اٹی پولیس چوکی آ دہشت گرد جلہو نا مذمت
Get real time updates directly on you device, subscribe now.
صدرِ مملکت آصف علی زرداری زیارت اٹی پولیس چوکی آ فتنہ الخوارج نا دہشت گرد جلہو نا سخت انگا لوز آتے ٹی مذمت ءِ کرسا واقعہ ٹی تینا جان تے ندر کروک پولیس آفیسر و کارندہ غاتا ہمت و فرض شناسی ءِ خراجِ تحسین پیش کرینے۔ سے شنبے نا دے آایوانِ صدر نا پریس ونگ انا رداٹ صدرِ مملکت پارے کہ بلوچستان اٹی امن و ایمنی نا برخلاف ہرسازش ءِ بے سہب کینہ، ریاست دہشت گردی نا برخلاف پبی واک اٹ کارروائی ءِ جاری تخک۔ او شہید آتا درجہ غاتا بڑزی، ٹھپی تا زوت دراخ جوڑی و پدسلوک آخاہوت آتے کن صبرِ وجمیل نا دعا کرے، صدرِ مملکت پارے کہ امن و ایمنی نا برجائی و الس نا رکھ اکن سیکورٹی ادارہ و کانود نافذ کروک ادارہ غاتا خذمت آک مچ آ قوم اکن گمر نا سوب ءُ۔