امن دُشمن آتا برخلاف گچین و فیصلہ ئی کارروائی المی ءِ، زمرک اچکزئی
Get real time updates directly on you device, subscribe now.
عوامی نیشنل پارٹی نا بلوچستان اسمبلی نا باسک و مسکوہی صوبائی وزیر خزانہ انجینئر زمرک خان اچکزئی ضلع زیارت اٹ دہشت گردی نا واقعہ ٹی 9 پولیس کارندہ غاتا شہیدی آ بھاز ڈکھیائی واست ہسونی نا درشانی ءِ کرینے۔ سے شنبے نادے آتینا ہڑزخواہی بیان اٹ او شہید آتا خاہوت آتتون ہمدردی و ہڑزخواہی نا درشانی ءِ کرسا پارے کہ دا ڈکھیائی انا ساہت اٹی مچ آ قوم شہید آتا خاہوت آتتون اوار سلوک ءِ۔ انجینئر زمرک خان اچکزئی پارے کہ امن دشمن زموار آتا برخلاف گچین و فیصلہ ئی کارروائی المی ءِ تانکہ الس نا جان و مال انا رکھ ءِ المی جوڑ کننگ مرے۔ انجینئر زمرک خان اچکزئی شہید آتا درجہ غاتا بڑزی، ٹھپی تا زوت جان جوڑی و زہمی خاہوت آتیکن صبر جمیل نا دعا ہم کرے۔