زیارت کارروائی، شہید آک بہادری نشان تسر، وزیر اعظم
Get real time updates directly on you device, subscribe now.
وزیراعظم محمد شہباز شریف زیارت اٹی فتنہ الخوارج نا کنڈآن پولیس چوکی آ دہشت گرد جلہو نا ترندی اٹ مذمت ءِ کرسا شہید مروک ایس ایچ او تون اوار پولیس کارندہ غاتے خراج عقیدت پیش کرینے۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہید آتا درجہ غاتا بڑزی و اوفتا خاہوت کن صبر انا دعا کرے۔ وزیر اعظم کلیئرنس آپریشن اٹی سیکورٹی فورس آتا کنڈآن کارروائی ٹی 15 دہشت گرد آتے خلنگ آ سیکورٹی فورس آتے خراج تحسین پیش کرے۔ وزیراعظم پارے کہ فتنہ الخوارج نا جلہو اسہ وار ولدا پک کرے کہ دا بندغ آک بلوچستان نا شونداری و امن و الس نا شونہالی نا دشمن ءُ۔ او پارے کہ شہید آتا قربانی زیان مفک و اوفتا دتر نا حساب ءِ ہلنگک۔ وزیراعظم پارے کہ کس ءِ بلوچستان نا امن ءِ نسخان تننگ کن الیپنہ، امن نا دشمن دہشت گرد آتا چٹفنگ اسکان اوفتا برخلاف جنگ ءِ برجا تخنہ۔