فیفا ورلڈ کپ: ناروے 5 وار انا عالمی چیمپئن برازیل ءِ شکست ترسا کوارٹر فائنل اٹی ہند جوڑ کرے

فیفا فٹبال ورلڈ کپ 2026 نا پری کوارٹر فائنل میچ اٹی ناروے 5 وار انا عالمی چیمپئن برازیل ءِ شکست ترسا ایونٹ آن پیشن کرے و کوارٹر فائنل اٹی تینا ہند ءِ پکا کرے۔ نیو جرسی ٹی مروک آ میچ اٹی ناروے برازیل ءِ اسہ نا برخلاف اِرا گول آن ہریفے۔ میچ اٹی ناروے نا کنڈ آن ہڑتوم آ گول آتے ایرلنگ ہالینڈ اسکور کرے۔ اولیکو گول ایرلنگ ہالینڈ 79 می منٹ اٹی کرے وخت اس کہ ارٹمیکو گول ہم ایرلنگ ہالینڈ 90 می منٹ اٹی اسکور کرے۔ برازیل نا کنڈ آن اسٹ انگا گول میچ نا ایسری وخت آ نیمار جونیئر پنالٹی کک آ کرے۔