حکومت بلوچستان نا شاہراہ تا رکھ کن پوسکن ءُ فورس اس ٹہیفنگ نا فیصلہ

حکومت بلوچستان شاہراہ غاتا رکھ کن پوسکن ءُ فورس اس ٹہیفنگ نا فیصلہ کرینے۔ ایڈیشنل چیف سیکریٹری داخلہ بلوچستان حمزہ شفقات نا رِد اٹ فورس نا ٹہیفنگ آ 25 ارب روپئی نا خڑچ بریک و دا فورس 6 تُو اٹی برجا کننگک۔ اونا پاننگ ئس کہ فورس نا ٹہیفنگ اسکان مال بردار گاڑی تـے قافلہ غاتا دروشم اٹی رسیفنگ نا سلہ ارے، وخت اس کہ مال بردار گاڑی تـا کنڈ آن انشورنس نظام ہم متعارف کرفنگ مرو۔ حمزہ شفقات مستی پارے کہ شاہراہ غاتیا ہُشوک آ گاڑی غاتا معاوضہ نا کاریم ءِ ہم ترند کننگ انگ ءِ۔