است ہسون بس شکست آ صوبائی وزیر سردار کھیتران نا است ہسونی

صوبائی صوبائی وزیر سردار عبدالرحمان کھیتران بلوچستان و خیبر پختونخوا نا سیمی علاقہ دانہ سر اٹی پیش بروک است ہسون مسافر بس شکست آ ڈکھیائی و است ہسونی نا درشانی ءِ کرسا پارینے کہ دا است ہسون ءُ سانحہ اسے۔ ہراٹی نہادی انسانی جان تا زیان مچ آ قوم اکن غم انا سوب ءِ۔ او زوال مروک آ بندغ آتا خاہوت آتون ہمدردی و ہڑزخواہی نا درشانی ءِ کرسا پارے کہ حکومت بلوچستان دا سخت انگا وخت اٹ زہمی خاہوت اتٓتون سلوک ءِ۔ او ٹھپی تا زوت و پورو دراخ جوڑی کن دعاکرسا پارے کہ ٹھپی تے گچین طبی آسراتی فراوان کننگ کن تعلقدار ادارہ غاک پبی گام گیج کننگ ءُ۔ صوبائی وزیر زوال مروک بندغ آتا درجہ غاتا بڑزی، خاہوت آتیکن صبر و ٹھپی تا زوت دراخ جوڑی کن دعاکرے۔