روس انا یوکرین آ ڈرون و میزائل جلہو، 8 بندغ زوال

روس یوکرین نا جتا جتا علاقہ غاتیا ڈرون و میزائل آتیٹی جلہو کرے، ہرا نا رِد اٹ کم و ود 8 بندغ زوال مسر وخت اس کہ 34 آن زیات ٹھپی مسنو۔ یوکرینی فوج نا رِد اٹ جلہو آتیٹی ہنکینی ماڑی تے ہم شست کننگا، ہرانا سوب آن بھلو کچ اسے ٹی جان و مال انا نسخان مس۔ ہندی کمامدار آک پارینو کہ جلہو آتا سوب آن اسہ ہوٹل اسے ٹی میزائل اس تما، وخت اس کہ اسہ 6 منزلہ ہنکینی ماڑی اس پورو وڑاٹ تما۔ کمکی ٹیمک دمب اٹ گٹ بندغ آتے کشنگ و زہمی علاقہ غاتیٹی کمکی کارروائی کننگ اٹی ءُ۔ ایلو کنڈ آ روسی وزارت دفاع دعویٰ کرینے کہ روسی فوج یوکرین نا دنیپروپیٹروسک و پولتاوا نا علاقہ غاتیٹی ساڑی ایئرپورٹ آتے شست کرینے۔ روس پارے کہ فضائی، ڈغاری و سودریابی کسر تیان مُر اسکان شست کروک آ پوسکنوڑ سلہہ و ڈرون آتیٹی بھلو کچ اسے ٹی جلہو کننگا۔