ژوب اٹی بھلا پِر تیان انسانی جان تا زیان آ گورنر نا است ہسونی

ژوب اٹی بھلا پِر آن نہادی انسانی جان تا زیان آ گورنر جعفر خان مندوخیل نا کنڈآن است ہسونی وارمان نا درشانی۔ گورنر جعفر خان مندوخیل ژوب اٹی بھلا پر تا سوب آن نہادی انسانی جان تا زیان آ ہسونی وارمان نا درشانی کرسا زہمی خاہوت آتتون ہمدردی و ہڑزخواہی کرینے۔ او تینا ہڑزخواہی کلہو اٹی پارے کہ قدرتی آفت آتیان مروک آ جانی نسخان مچ آ قوم اکن بھاز ارمان نا ہیت اسے۔ داسخت انگا ساہت اٹی نن زہمی خاہوت آتا غم اٹ بریبر نا شریدار اُن و اوفتا ڈکھ ءِ تینا ڈکھ تکِنہ۔ گورنر جعفر خان مندوخیل دعا کرے کہ اللہ تعالیٰ زوال مروک بندغ آتا مغفرت ءِ کے‘ ماتنی خاہوت آتے صبرِ جمیل و ہمت عطاکے۔ وخت اس کہ ٹھپی تے زُوت دراخ جوڑ کے‘ او تعلقدار ضلعی انتظامیہ و کل کمکی ادارہ غاتیا زور شاغا کہ زہمی علاقہ غاتیٹی کمکی و بحالی کاریم تے پین بھرمی جوڑ کننگے و زہمی خاہوت آتے ہر وڑانا آسراتی و کمک وخت آ فراوان کننگے۔ اللہ تعالیٰ ننا ڈغار ءِ ہر وڑ انا آفت و مشکل آتیان بچفے۔