وزیر خزانہ محمد اورنگزیب نا ایس اینڈ پی گلوبل ریٹنگز نا ڈل اتون اوڑدہی
Get real time updates directly on you device, subscribe now.
بنجائی وزیر خزانہ سینیٹر محمد اورنگزیب ایس اینڈ پی گلوبل ریٹنگز نا ڈل اتون اوڑدہی کرے، ہراٹی پاکستان نا مچ آ زرگزرانی حالیت، وتواجہ کریڈٹ پروفائل، برجا اصلاحاتی ایجنڈا و نیامی دے تا زرگزرانی سُج پام آ خوڑتی اٹ شرہ کننگا۔ اوڑدہی نا وخت آ وزیر خزانہ ڈل ءِ حکومت نا زرگزرانی پالیسی و پوسکنوڑ ٹک آتیان معلومدار کرسا پارے کہ ملک اٹی زرگزرانی سوگوی نا حالیت جوان مسنے، کبینی ٹی نمان کمتی بسنے و زرراہی تس نا کوڑی تے پدریسہ ودکی مننگ اٹی ءِ۔ او پارے کہ مالی سال 2026-27 نا بنجائی بجٹ زرگزرانی شون ءِ ودفنگ تون اوار مالیاتی نظم و ضبط ءِ پین سوگو کننگ کن ٹہیفنگانے۔ سینیٹر محمد اورنگزیب ڈل ءِ پارے کہ حکومت وام انا باریم اٹی کمتی و مالیاتی نسخان اٹی تاریخی ءُ جوانی اس دوئی کرینے، وخت اس کہ ٹیکس نظام، توانائی نا بشخ، پرائیویٹائزیشن و سرکاری ادارہ غاتا اصلاحات آ بھرمی وڑاٹ عملدرآمد برجا ءِ۔