وزیراعلیٰ بلوچستان میر سرفراز بگٹی تون اے این پی نا مرکزی صدر ایمل ولی خان نا اوڑدہی

وزیراعلیٰ بلوچستان میر سرفراز بگٹی تون عوامی نیشنل پارٹی (اے این پی) نا مرکزی صدر ایمل ولی خان اوڑدہی کرے، ہراٹی ملک نا مچ آ سیاسی حالیت، قومی سیوت، امن ایمنی، بین الصوبائی ہم گرنچی و تین پہ تینی است خواہی نا جتا جتا باندات آتیا خوڑتی اٹ بحث و مباحثہ کننگا۔ ہڑتوم آ راہشونک دا ہیت آ امنا کریر کہ قومی چیلنج آتا ایسری کن سیاسی واک آتا نیام اٹی باہمی رابطہ، جمہوری ربیدگی نا شون و گپ و تران نا ریسہ نا برجا سلنگ المی ءِ۔ اوڑدہی ٹی بنجاء و صوبہ غاتا نیام اٹی بھرمی کمک، السی ویل آتا ایسری و ملک اٹی مدامگی امن و سوگوی نا شون نا گرج آ ہم زور شاغنگا۔وزیراعلیٰ میر سرفراز بگٹی پارے کہ بلوچستان اٹی امن، شون و السی آسودہی حکومت نا اولیت آتیٹی اوار ءُ، وخت اس کہ قومی سیوت و سیاسی ہم گرنچی ہی پاکستان نا روشن و سوگو آخبت نا ضمانت ءُ۔ ایمل ولی خان بلوچستان اٹی امن و سوگوی، شوندارخوا گام گیج و باہمی سیاسی رابطہ غاتا شون کن نیک است خواہی نا درشانی ءِ کرے۔