سبی‘ اُلس نا ویل آتا ایسری کن جوان کوشست کننگ انگ ءِ‘ علی شاہ عباسی

کوئٹہ: حکومت بلوچستان نا کنڈآن چیف سیکریٹری بلوچستان عبد العزیز عقیلی نا پارت آتا روشنائی ٹی ڈپٹی کمشنر سبی منصور احمد قاضی نا کماشی و اسسٹنٹ کمشنر سبی علی شاہ عباسی نا کماشی ٹی سرکاری ریٹ آ نت انا فراوانی نا چر برجا ءِ۔ اووخت آ اسسٹنٹ کمشنر سبی پارینے کہ انتظامی ویل آتیا بابت افسر تے سختی اٹ پارت کننگانے کہ اڑزان نت انا بشخ وپانٹ ءِ ساف وڑاٹ کننگے۔ اسہ ٹوکن آ اسہ نت انا لوتھ اس تننگک۔ ہراکہ غریب و حقدار آتیکن ءِ۔ و معذور و پیر انگا بندغ، نیاڑی و نرینہ تیکن جتا جتا لائن جوڑ کننگک۔ تانکہ ہچ ءُ سختی اس پیش بف۔ او مستی پارینے کہ اُلس نا ویل آتا ننے جوان سما ءِ کہ اوفتے انت انت دوئی مننگ اٹی ءِ۔

(خ ن)