جعفر آباد‘ ہڑ دڑ آن اڑزان بازار بند‘ اُلس نا اومیتی ٹی اُرا غا ہنا

جعفر آباد: ڈیرہ اللہ یار ٹی اڑزان بازار نا نت پوائنٹ آ دھکم پیل نا سوب آن مسہ نیاڑی تمسا ٹھپی مسر۔ ہڑ دڑ آن پد روچہ نا اڑزان بازار ءِ بند کننگا۔ حوال نا رداٹ بلوچستان حکومت نا پارت آ ضلعی انتظامیہ نا کنڈآن اڈ ہلوک روچہ نا اڑزان بازار اٹ نت انا دوئی کننگ کن شاریک سہب انا وختی اڑزان بازار ءِ سر مس۔ ولے نت پوائنٹ نا مالو آن ملنگ تون نرینہ و نیاڑی تون اوار بزرگ شاریک نت پوائنٹ آ بسر۔ ہرانا سوب آن رش ودا۔ رش اٹی دھکہ تننگ آن مسہ نیاڑی تمسا ٹھپی مسر۔ اڑزان بازار نا اٹ سیکیورٹی کروک آ پولیس کارندہ غاک نیاڑی و بزرگ شاری تے دھکہ ترسا کریر۔ بدمزگی آن پد واپار آک گڑاتے مچ کرسا اسٹال ءِ بند کریر۔ ہراڑان پد کیہی شاریک گڑا ہلنگ آن زہمی مسر۔ اڑزان بازار نا بند مننگ نا سوب آن نیاڑی و بزرگ شاری تا بھلو کچ اس نت اتنگ نا اومیت تخانو۔ خالی اڑزان بازار اٹ انتظار کرسا کریر و کیہی گھنٹہ غاتیان پد ہم نت بتو۔

(آن لائن)