ٹینکر مافیا نا راج‘ دیر انا کاختی آن نوکنڈی میدان کربلا جوڑ

نوکنڈی: نوکنڈی دیر نا کاختی نا سوب آن میدان کربلا جوڑ مسنے۔ مچ آ شار اٹ دیر نا کاختی آن اُلس فریشان ولے پی ایچ ای محکمہ چپ ءُ تماشائی اس جوڑ مسنے۔ نوکنڈی کلی حسن آباد زورآباد بازار و قبرستان نا ایریا تیٹی پائپ لائن پنانے۔ جوڑ کننگ آن پد محکمہ آن ہچ ءُ زموار اس خننگ انگ اٹی اف۔ نوکنڈی ءِ بوٹیگ و گھٹ واٹرسپلائی اسکیم تیان آبنوشی کن دیر انا سپلائی کیک و سالانہ کروڑ آ روپئی تا دیر انا نظام ءِ جوان کننگ کن سرکارفنڈ ایتک ولے دیر انا کاختی ایسر مننگ نا پن ءِ ہلپک۔ نوکنڈی نا بھلا آبادی کلی غریب آباد کلی حسن آباد کلی مینگل آباد کلی بازار و کلی برہان آباد ٹی تدوک آ کیہی تو تیان اُلس دیر نا کاختی آ ہیت کننگ اٹی ءِ۔ و کبین ٹینکر مافیا تیان دیر ہلنگ آ مجبور ءُ۔

(آن لائن)