ورنا تا گوازی آن راج جانجوڑ مریک‘ میر سلیم کھوسہ

تمبو : بلوچستان اسمبلی نا باسک میر سلیم احمد خان کھوسہ پارینے کہ گوازی تا جوانی آن اسہ جانجوڑ ءُ راج اس جوڑ مریک۔ ہراتم ننا گوازی نا پڑ آباد مریک تو ننا ہسپتال ویران مریرہ۔ دا خیال آتا درشانی ءِ او جی پی ایل۔2023 نصیر آباد ڈویڑن نا فائنل میچ تھنڈر قلندر ٹیم اور ڈائمنڈ ڈولفن نا بنائی میچ اٹ گوازی گرتیان تران اٹ کرے۔ او پارینے کہ نن گوازی نا جوانی و گوازی گرتا اُست بڈی کن ہر وڑ نا گام گیج کننگ اٹی اُن۔ ننا ورنا تے منشیات و ایلو دوبہ غاتیان مرتخنگ نا اسٹ انگا وڑ گوازی ءِ۔ چناتے جوان پرورش کن گوازی بھاز اہمیت تخک۔ اینو گوازی آن مری نا سوب آن ننا چناک ناجوڑ و لاغر خننگ انگ ءُ۔ دافتا تہٹی ناجوڑی آن جنگ کننگ کن قوت مدافعت اف۔ ہرانا سوب آن اوفک گیشتری ناجوڑ مریرہ۔ فائنل میچ تھنڈر قلندر ٹیم و ڈائمنڈ ڈولفن ءِ کٹسا ٹرافی ءِ تینا پن آ کرے۔ اوکان گڈ خاص انگا مہمان صوبائی وزیر میر محمد سلیم خان کھوسہ گوازی گر تیا انعام بشخ وپانٹ کرے۔

(آن لائن)