پنجگور‘ تحصیل گچک اٹی سورک نا دَین تالان، کیہی بندغ زہمی
Get real time updates directly on you device, subscribe now.
پنجگور: پنجگور نا تحصیل گچک اٹ سورک بھلو تباہی کرینے۔ اسہ اُرا سے ٹی ارا ایلم تون اوار علاقہ نا کیہی بندغ آک اسہ سال نا وہی آن 35 سال نا وہی انا کیہی بندغ آک زہمی مسنو۔ ولدا ہم محکمہ جانجوڑی نا ہچ ءُ ٹیم اس علاقہ ٹی سر متو۔ تحصیل گچک اٹ دا وخت آ ارا بیسک ہیلتھ یونٹ ساڑی ءُ ولے آسراتی و ڈاکٹر مفننگ نا سوب آن غیر فعال ءُ۔ دے پہ دے آ دین ودسا کننگ ءِ۔ ہچ ءُ حال احوال اس اف۔ ودوک آ دین آن اُلس اٹ کیہی ویل آک ودی مننگ اٹی ءُ۔ اوفتا پاننگ ئس کہ دا وخت آ نیم درجن نا کچ اٹ سورک نا دین آن چنا و ایلوفک زہمی مسنو۔ دا زہمی تیٹی مزمل ولد عبد الحکیم وہی اسہ سال کم و بیش سرفراز محمد سلیم پسران عبدالحمید لعل جان ولد مصطفیٰ و ایلوفک اوار ءُ ہرا پنجگور نا تحصیل گچک سرگوز نا رہنگوک اسے ءُ۔ اوفتیٹی کیہی زہمی تے پنجگور ٹیچنگ ہسپتال آ گدریفنگانے۔ یات سلے تحصیل گچک پنجگور آن خراب انگا کسر تیان گدرینگسا چار آن پنچ گھنٹہ نا مری ءِ۔
(آن لائن)