ساڑی دور اٹ مزور کار تپہ نا گزران مفننگ اٹی ءِ، عنایت رخشانی

اوتھل: کاغد آتیٹی مزوری ءِ ودفنگ نا ہچ ءُ فائدہ اس اف۔ کبینی نا دا دور اٹ مزور تپہ نا زند ءِ تدیفنگ بھاز سخت مسنے۔ پاکستان مزور تحریک ہر وخت مزور تا توار جوڑ مسنے۔ مزور تا حق آتیکن ہر پلیٹ فارم آ ہننگ کن تیار اُن۔ دا خیال آتا درشانی ءِ پاکستان مزدور تحریک نا چیئرمین عنایت اللہ رخشانی ارمابیل پریس کلب اوتھل اٹ اسہ گچین ءُ پریس کانفرنس اس کرسا کرے۔ او پارینے کہ پاکستان اٹ دا وخت آ کبینی بھاز زیات مسنے ولے لسبیلہ اوتھل اٹ مزور تا مزوری تے بھاز کم کننگانے۔ دا کبینی نا وخت اٹ مزورک تینا گزران ءِ ہم کننگ اٹی افس۔ او پارینے کہ مزور تا مزوری ءِ بیرہ کاغدی ودفنگانے۔ ہراڑان ننے ہچ ءُ فائدہ اس رسینگپک۔ مزور تا حق آتیکن ہر ہر پلیٹ فارم آ ہننگ کن تیار اُن۔ دا خیال آتا درشانی ءِ پاکستان مزدور تحریک نا چیئرمین عنایت اللہ رخشانی ارمابیل پریس کلب اوتھل اٹ پریس کانفرنس کرسا کرے۔ ا پارینے کہ پاکستان اٹ دا وخت آ کبینی بھاز زیات مسنے۔ ولے لسبیلہ اوتھل اٹ مزور تے دیاڑی کم تننگ انگ ءِ۔ دا کبینی نا دور اٹ مزور تینا پڈ انا گزران کن بے وس مسنے۔ او پارینے کہ اوتھل و لسبیلہ ٹ دا حالیت ءِ کہ گیشتری مزور تے توہی اجرت نا بابت اٹ سما ہم تمپک۔ اوفتے اخس کہ پیسہ تننگے اوفک ہموڑا کاریم کیرہ۔ انتئے کہ ہر اسٹ ءِ تینا اُرا نا چولا ءِ لگفوئی تمک۔

(آن لائن)