کورونا وائرس: ڈپٹی کمشنر سبی ڈاکٹر یاسر خان بازئی نا کماشی ٹی دیوان

کوئٹہ(اے پی پی) ڈپٹی کمشنر سبی ڈاکٹر یاسر خان بازئی نا کماشی ٹی سبی شار اٹی لاک ڈاون نا جاچ ءِ ہلنگ نا بابت اسہ بڑزکوکہولی دیوان اس اڈ ہلک ہراٹی 144ونگ انا ونگ کمانڈر کرنل جواد احمد ایس ایس پی ملک فاروق فیض لہڑی، اسسٹنٹ کمشنر عنایت اللہ کاسی ایلو ضلعی انتظامی آفیسر آک ساڑی ئسر دیوان نا توسط اٹ ڈپٹی کمشنر سبی ڈاکٹر یاسر خان بازئی کانودنافذ کروک آ ادارہ غاتیا زور شاغسا پارے کہ او لاک ڈاون ءِ پین گچین کننگ و دفعہ 144نا نافذ کننگ آ سختی اٹ عملدرآمد کرفنگ کن عملی گام گیج کیر اوپارے کہ کوروناوائرس ہراترندی اٹ تالان مننگ ءِ داڑآن بچنگ نا اسہ ہی وڑوڈول او احتیاط ءِ دا ننا غٹ انا بقانا ویل ءِ داڑکن ننے غٹ ءِ اواری اٹ اسیجا جہد کروئی ءِ اوپارے کہ خلقت دفعہ 144آ پورو پابندی کرسا تینا اُراتیٹی مریر خلاف ورزی کروک آ خلقت تون ہچ ءُ نرمی اس کننگپک بلکن اوفتا برخلاف سخت کارروائی کننگک داوخت آ اسسٹنٹ کمشنر سبی عنایت اللہ کاسی دیوان اٹی بشخ ہلوک آتے پارے کہ دفعہ 144نا خلاف ورزی کننگ آ بیست آن زیات موٹرسائیکل رکشہ دوئی کرسا کارروائی نا بناءِ کننگانے۔