کورونا، بنجا نا کنڈ آن ہفتہ ٹی اِرا دے چھٹی، واپار ءِ 8 بجہ غا بند کننگ نا پڑو

اسلام آباد: بنجائی وزیر ڈٹ بندی و نیشنل کمانڈ اینڈ آپریشن سینٹر (این سی او سی) نا سروک اسد عمر کورونا وائرس نا مثبت کیس آتا کچ اٹ ودکی ءِ مون آ تخسا ملک انا اہم انگا شار تیٹی 31 اگست اسکان پوسکن ءُ رکھ خلنگ نا پڑو کرینے، وزیر اعظم نا کنڈ آن رکھ آتا منظوری آن پد اسد عمر اہم انگا شار تیٹی پوسکن آ رکھ آتا نفاذ نا پڑو کرینے۔ خصوصی جانجوڑی کمکار ڈاکٹر فیصل سلطان تون اوار پریس کانفرنس کرسا اسد عمر پارے کہ ننے سما ءِ کہ دا رکھ آتیان ننا نزور و غریب تپہ غا بھلو زہم اس تمک، ہندا سوب آن نن سجفنگ آن پد فیصلہ کینہ، و ولدا ننے آن مخلوق سوج کیک کہ مسہ ریسہ اٹ لاک ڈاؤن انتئے کیرے؟ و اولیکو وار آ پورو لاک ڈاؤن انتئے کپیرے؟ تو دانا سوب دادے کہ ملک انا اسہ بھلو تپہ اس دیہاڑی دار تپہ ءِ، دانا روزگار نا رکھ اکن دن کروئی تمک۔ (آن لائن)