وزیراعظم نا لکی مروت جلہو نا شہید ڈی ایس پی و ورناتے خراج عقیدت

0

Get real time updates directly on you device, subscribe now.

اسلام آباد: وزیراعظم شہباز شریف لکی مروت اٹی پولیس تھانہ صدر آ جلہو نا ترندی اٹ مذمت ءِ کرسا ڈی ایس پی اقبال مہمند تون اوار 3 ورناتا شہیدی آ ڈکھیائی و است ہسونی نا درشانی ءِ کرینے۔ پنچ شنبے نادے آ وزیراعظم آفس نا میڈیاونگ آن جاری بیان نا رداٹ وزیراعظم جام شہادت نوش کروک آ ڈی ایس پی ہیڈکوارٹر اقبال مہمند، سپاہی وقار، مرجان، کرامت ءِ خراج عقیدت پیش کرے۔ وزیراعظم شہید آتا خاہوت آتون ہڑزخواہی و ہمدردی نا درشانی ءِ ہم کرے۔ وزیراعظم پارے کہ پولیس دہشت گردی نا برخلاف فرسٹ لائن آف ڈیفنس نا شاندار کڑد ادا کننگ اٹی ءِ۔ تھانہ صدر آ دہشت گرد آتا جلہو نا پولیس جیرت و نرزوری اٹ مقابلہ ءِ کرے۔ دہشت گردی نا چٹفنگ اٹ پاکستان نا بقا و شونداری ءِ۔ وزیراعظم اے پی سی نا ڈیور سردار علی و 6 ٹھپی پولیس کارندہ غاتا زوت دراخ جوڑی کن ہم دعا کرے۔ وزیراعظم خیبرپختونخوا حکومت ءِ شہید آتیکن پیکج و ٹھپی تے درمان نا گچین آسراتی فراوان کننگ نا پارت کرے۔

(اے پی پی)

Get real time updates directly on you device, subscribe now.

Leave A Reply

Your email address will not be published.