پاکستان و روس انا نیام اٹ چندی بشخ آتیٹی کمکاری آ امنا

وزیر خارجہ بلاول بھٹو زرداری نا روسی ہم منصب تون اوڑدہی، تعلیم، زرگزران و توانائی نا بشخ آتیٹی کمک کننگک

0

Get real time updates directly on you device, subscribe now.

اسلام آباد: پاکستان و روس تعلیم، زرگزران، توانائی تون اوار چندی بشخ آتیٹی کمکاری ءِ پین ودفنگ کن گام گیج آ امنا کرینو۔ ترجمان دفتر خارجہ نا رد اٹ وزیر خارجہ بلاول بھٹو زرداری روسی وزیر خارجہ سرگئی لاوروف تون گچین مجلس کرینے۔ پاکستان و روس تعلیم، زرگزران، توانائی تون اوار چندی بشخ آتیٹی کمکاری ءِ پین ودفنگ کن گام گیج آ امنا کرینو۔ اوغانستان نا حالیت و شنگھائی کمکار تنظیم تون اوار علاقائی باندات آتیا ہم ہیت و گپ کننگا۔ اسیجائی پریس کانفرنس آن تران اٹی بلاول پارے کہ روس اتون توانائی نا بشخ اٹی گچین ہیت و گپ مسنے، وزیر خارجہ بلاول بھٹو زرداری پارے کہ پاکستان روس اتون تعلقداری تے بھاز اہمیت ایتک، ہڑتوم آ ملک آتا نیام اٹ تعلقداریک تین پہ تینی و علاقائی سوگوی کن اہم ءُ۔ پاکستان روس تعلقداریک متکن و کیہی دہائی تیا تالان ءُ۔ روسی وزیر خارجہ تون کل بشخ آتا بابت سنگتی چاگڑد اٹ ہیت و گپ مس۔ جھیڑہ غاتا پر امن ایسر نا خواہندار اُن۔ بلاول بھٹو زرداری پارے کہ پاکستان روس تون واپار، دہشت گردی تور، و السی حالی حالی تون اوار ایلو بشخ آتیٹی تعلقداری تے شون تننگ خواہک۔ ہڑتوم آ ملک آتا نیام اٹ تعلقداری تے ودفنگ کن جم و جوش خننگک۔ او پارے کہ بڑزکو کہول انا مذاکرات نا سلہ خلنگ آ روسی وزیر خارجہ نا منت وار اُٹ۔ او پارے کہ پاکستان و روس انا نیام اٹ 8می بین الحکومتی دیوان سرسہبی اٹ اڈ تننگا۔ جم و جوش اٹ بخیر کننگا آ روسی وزیر خارجہ نا منتوار اُٹ۔ وزیر خارجہ پارے کہ کل بشخ آتیٹی سنگتی چاگڑد اٹ ہیت و گپ مس۔ بلاول بھٹو زرداری پارے کہ پاکستانی زرگزران نوکاپ نا سوب آن بھاز زہمی مسنے۔ او پارے کہ روس اتون تین پہ تینی تعلقداری تے پین شون تننگ خوانہ۔ دا رد اٹ روس اتون توانائی نا بشخ اٹی مثبت ہیت و گپ مسنے، دا وخت آ روسی وزیر خارجہ سرگئی لاروف پارے کہ پاکستان تون تین پہ تینی تعلقداری تے پین سوگو کننگ خوانہ۔ اوغانستان اٹ امن کن پاکستان و روس تینا کوشست آتے برجا تخرہ۔ بے کنڈ ہلوک پوزیشن نا بابت پاکستان نا موقف ستا کڑزک۔

(آن لائن)

Get real time updates directly on you device, subscribe now.

Leave A Reply

Your email address will not be published.