وچہ نا تُو اٹی کس اسے کوڑی کننگ یا گرانفروشی نا اسُل موکل تفنہ، ڈپٹی کمشنر نصیر آباد

ڈیرہ مراد جمالی : ڈپٹی کمشنر نصیر آباد انجینئر عائشہ زہری پارینے کہ نصیر آباد اٹی روچہ نا تُو اٹی کس اسے کوڑی کننگ یا گرانفروشی نا اسُل موکل تفنہ، روچہ نا تُو اٹی الس ءِ اڑزان آب اٹ کنوئی آ گڑاتا بازار آن بارعایت فراوانی کن وزیراعلیٰ چیف سیکرٹری نا پارت آ یک شنبے نادے اڑزان بازار اس خلنگک۔ داخیال آتا درشانی ءِ او صحافی تتون گپ وتران کرسا کرے۔ اوپارے کہ روچہ نا تُو اٹی کنوئی آ گڑا م میوہ سوزی تا نرخ آتیٹی سوگوی تخنگ و کوڑی کننگ نا چٹفنگ کن اسسٹنٹ کمشنر ڈیرہ مراد جمالی اسد اللہ سمالانی تحصیلدار مجیب الرحمان ساتکزئی چیف آفیسر میونسپل کمیٹی حاجی خان جونیجو تون اوار ایلو عملہ کارروائی کننگ ءِ تانکہ الس ءِ سرکاری نرخ آتیا گڑا دومننگ کے و پارے کہ روچہ نا تُو اٹی پوریاگرآتیا ہم زموار مریک خدا ناخوف ءِ مون آ تخسا تینا خود آن کبینی آن پاناد کیر و زیات آن زیات روزہ دار آتے اڑزان کنوئی ءُ گڑا ایتر۔ اوپارے کہ روچہ اڑزان اتوار بازار اٹی اڑزان نُت و یوٹیلٹی اسٹور نا شاپ اتون اوارا وار ہول سیل نرخ آتیا چندی کنوئی آ گڑا دوئی مریک اتوار روچہ اڑزان بازار اٹی نرخ آتا پورو چاروکی ءِ کننگ انگ ءِ۔

(اے پی پی)