قوم عمران خان ناپالیسی تا بھرم ءِ پُر کننگ ءِ، احسن اقبال
اسلام آباد : بنجائی وزیر شونداری و ڈٹ بندی احسن اقبال پارینے کہ اینو قوم نابود و اناڑی عمران خان نا پالیسی و آئی ایم ایف تون معاہدہ نا بھرم ءِ پر کُننگ ءِ، ارٹ آن مسہ سال انا تہہ ٹی پاکستان تینا نت تیا سلنگ نا قابل مریک۔ تینا ٹویٹ اٹی اوپارے کہ 2018 نا گچین کاری تیٹی پاریسن کہ دیر اس اناڑی ءِ موٹرسائیکل نا چابی تے ایتک، عمران خان اناڑی اسک اودے ملک آ تولفنگا، اوتینا کاٹم ءِ ہم پرغا، پاکستان ءِ ہم انجرپنجر کرسا اِلانے، اینو ننتون ہمو ٹکر ٹکر مروک زرگزران تموک ءِ ہرانا حالیت آتے نن کُننگ اُن، ہراتم نن اپوزیشن اٹی قومی اسمبلی ٹی ئسن، پارینہ عمران خان ہراکاریم تے کننگ ءِ اوفتا بھرم ءِ کیہی سال پاکستان ءِ بھگتوئی تمک، داسہ دا ملک ءِ بھس کرسا تینٹ مزہ ٹی تولوک ءِ۔ اوپارے کہ ننا زمواری ءِ کہ نن ملک ءِ تینا نت تیا سلفن ولے اوٹی وخت لگک۔ 2013 ٹی 16 گھنٹہ بجلی بتوکہ ہراتم نن حکومت ءِ اِلاسن بجلی پورو کرسا ہناسن، کنے یقین ءِ، ارا، مسہ سال انا تہٹی پاکستان تینا نت تیا سلنگ نا وڑ اٹ مریک۔
(اے پی پی)