وزیراعظم نا ریل اناسفر ءِ رکھوک جوڑ کننگ کن گام گیج نا پارت
Get real time updates directly on you device, subscribe now.
اسلام آباد، وزیراعظم محمد شہباز شریف ریل اناسفر ءِ رکھ و پتی جوڑ کننگ کن ہلہلہ ئی بنداوتیاگام گیج نا پارت کرسا پاکستان ریلوائی نا بحالی و انقلابی اصلاحات کن پورو کمکاری نا باوری کرفینے۔ چارشنبے نا دے آوزیراعظم آفس میڈیا ونگ آن جاری بیان نا رداٹ وزیراعظم محمد شہباز شریف تون بنجائی وزیر ریلوائی محمد حنیف عباسی اوڑدہی کرے۔ اوڑدہی ٹی وزارت ریلوائی نا انتظامی، مالیاتی و اصلاحاتی باندات آ سرجمی اٹ گپ وتران کننگا۔ بنجائی وزیر حنیف عباسی وزیراعظم ءِ پاکستان ریلوائی نا کارکڑد و برجا ڈٹ آتیان معلومدار کرے۔ پاکستان ریلوائی نا فریٹ سروسز اٹی گچینی و مسافر آتے پوسکن آسراتی تا فراوانی نا گام گیج آتیا گپ وتران کننگا۔ وزیراعظم ریل اناسفر ءِ رکھ و پتدار جوڑ کننگ کن ہلہلہ ئی بنداوتیا گام گیج آتا پارت کرے۔ وزیراعظم ریلوائی ٹی شفافیت، اصلاحات و السی ریلیف نا بشخ آتے اولیت تننگ نا درشانی ءِ کرسا پاکستان ریلوائی نا بحالی و انقلابی اصلاحات کن پورو کمکاری نا باوری کرفے۔