مکہ دفاعی سیوت علاقائی امن نا شون تننگ اٹ اہم کڑد ادا کننگ کیک، اسحاق ڈار
Get real time updates directly on you device, subscribe now.
اسلام آباد، مکہ دفاعی سیوت نا اولیکو سیکرٹری جنرل لیفٹیننٹ جنرل (ر) نعمان محمود تون نائب وزیراعظم و وزیر خارجہ محمد اسحاق ڈار اوڑدہی کرے۔ نائب وزیراعظم و وزیرخارجہ لیفٹیننٹ جنرل (ر) نعمان محمود ءِ تقرری آ مبارکبادی تس، ترجمان دفترِ خارجہ نا رِد اٹ نائب وزیراعظم اہم زمواری تیٹی سرسہبی کن نیک استخواہی تا درشانی ءِ کرے۔ نائب وزیراعظم و وزیرِ خارجہ علاقائی و جہانی امن و سوگوی کن پاکستان نا برجا سفارتی کوشست آتیا ہیت کرے۔ ترجمان نا رِد اٹ اسحاق ڈار پارے کہ مکہ دفاعی سیوت علاقائی امن نا شون تننگ اٹ اہم کڑد ادا کننگ کیک۔