خوانہ کہ ورناک قلم نا کمک اٹ جہد کیر، سردار عبدالرحمن کھیتران

کوئٹہ، صوبائی اسمبلی نا باسک سردار عبدالرحمن کھیتران مسلم اسٹوڈنٹس فیڈریشن نا کنڈآن اڈ تروک دود آن تران کرسا پارے کہ قلم نا واک بندوق آن زیات ءِ۔ نن خوانہ کہ ننا ورناک قلم نا کمک اٹ جہد کیر انتئے کہ قلم نا جہد انا مون آ دنیا نا ہچ ءُ اڑاند اس مدامگی پک مننگ کپک۔ او پیدوار لوز آتیٹی پارے کہ پاکستان ارے تو نن ارین۔ ورنا تیا بھلو زمواری اس مریک کہ او پاکستان و بلوچستان ءِ مون آ دیر۔ پارلیمانی سیکرٹری نوابزادہ زرین خان مگسی پارے کہ بلوچستان نا آبادی نا 70 درسَد آن زیات بشخ ورنا تیا تالان ءِ ہرافک ملک انا نہادی مڈی و آخبت نا جوڑ کروک ءُ۔ ورناک قومی فائدہ غا چکار کرسا بے فرق آن پاکستان نا شونداری و شونہالی کن پاکستان مسلم لیگ (ن) ءِ مونی دیر۔