گوادر آن تعلقدار مسڑ طالب علم اسے نا اقوام متحدہ ٹی نمائندگی

گوادر: گوادر آن تعلق تخوک آ اسہ طالبعلم اس اقوام متحدہ نا آبی کانفرنس 2023 اٹ بشخ ہلسا بلوچستان و گوادر نا نمائندگی ءِ کرینے۔ ڈائریکٹر جنرل گوادر ڈویلپمنٹ اتھارٹی مجیب الرحمان قمبرانی گوادر آن تعلق تخوک آ طالبعلم بہار طاہرہ خلیل ءِ اقوام متحدہ نا 2023 واٹر کانفرنس اٹ بلوچستان نا نمائندگی کننگ آ شاباشی تسنے۔ بہار خلیل ہرا چنکی ٹی میڈیکل نا طالبعلم اس ئس۔ اسہ ورنا اسے نا وڑاٹ گوادر و صوبہ بلوچستان نا نمائندگی ءِ کرے۔ کانفرنس اٹ بشخ ہلنگ کن جی ڈی اے طالبعلم آتے مالی کمک فراوان کرے۔ مجیب الرحمان قمبرانی تینا آفیشل ٹویٹر اکاؤنٹ آ نوشتہ کرے کہ جی ڈی اے ءِ گوادر آن تعلق تخوک آ ورنا نیاڑی سلاہکار بہار طاہرہ خلیل نا دیر انا بارواٹ اقوام متحدہ نا جہانی کانفرنس اٹ بلوچستان و گوادر نا نمائندگی ءِ کننگ آ فخر ءِ۔ اقوام متحدہ نا آبی کانفرنس 2023 نا ایسری دیر انا جہانی کاختی و دیر انا ایجنڈا ءِ مونی دننگ کن اسہ گام گیج اسے تون مس۔ ہرا کل اواری ٹی پائیدار شونداری ءِ ترند کننگ کن اسہ ڈیل میکر اسے۔ بہار طاہرہ خلیل ہندا کم و ود 10,000 بشخندار آتیان اسٹ اس ئس۔ ہرا اقوام متحدہ نا ہیڈ کوارٹر و آن لائن جمع مس تانکہ دیر انا کاختی تون مون تننگ و کل اکن دیر انا اواری ٹی سر مننگ کن پک کننگ کن زوت اس گام گیج نا ترندی ءِ ودفنگے۔ گوادر و صوبہ نا ایلو علاقہ غاتیٹی کننگ نا دیر انا کاختی ہر وخت اس کہ ویل اس مسنے۔ ولدا ہم چین پاکستان اقتصادی راہداری نا بنا آن پد آن گوادر اٹ کننگ نا دیر انا ویل آتے ایسر کننگ آ خاص سجفنگانے۔ دیر انا ویل ءِ ایسر کننگ کن سی پیک نا رداٹ جتا جتا ڈٹ آتیا عملدرآمد کننگ انگ ءِ۔ 1.2 ایم جی ڈی سور دیر ءِ سفا کننگ نا پلانٹ پوروی آن خڑک ءِ۔ دا پلانٹ حکومت چین نا گرانٹ آن پورو کننگ انگ ءِ۔