اُلس ءِ گرانفروش آتا دوٹی تننگ کپنہ‘ نثار احمد لانگو

کوئٹہ: ڈپٹی کمشنر کوئٹہ شہک بلوچ نا خاص ءُ پارت اسے آ اسسٹنٹ کمشنر سریاب نا کماشی ٹی گرانفروش آتا برخلا ف کارروائی، 14 بندغ دزگیر، اسہ دکان سیل اسسٹنٹ کمشنر سریاب نثار احمد لانگو کوئٹہ شار انا جتا جتا جاگہ سریاب ڈویژن نا جتا جتا علاقہ خاص کر ہزار گنجی و سریاب روڈ آ کاروائی کرے۔ او وخت آ کیہی دکاندار آتے پارت کننگا کہ او سرکاری نرخنامہ خلوک آ جاگہ غا خلیر۔ خلاف ورزی آ سخت کارروائی مریک۔ اسسٹنٹ کمشنر مستی پارینے کہ اُلس ءِ گرانفروش مافیا نا دوٹی تننگ کپنہ۔ آخبت اٹ پین گام گیج کننگک۔ کس اسے تون ہچ ءُ رعایت اس کننگپک۔ دا وخت اٹ ہڑدے نا بنداو آ مارکیٹ و بازار آتا نگرانی برجا ءِ۔ تدوک آ دے کارروائی ٹی دزگیر مروک آ پال بہا کروک، قصاب، ایلوفک اوار ءُ۔

(خ ن)