ڈیجیٹل مردم شماری نا سرسہبی ٹی پوروی سپروائزور آتا زمواری ءِ‘ عائشہ زہری

نصیر آباد : ڈپٹی کمشنر نصیرآباد عائشہ زہری نا کماشی ٹی مردم شماری نا بابت اٹ سپروائزرز تون اسہ دیوان اس اڈ ہلک۔ دیوان اٹ اسسٹنٹ کمشنرز اسداللہ سمالانی خادم حسین کھوسہ تحصیلدار مجیب الرحمٰن ساتکزئی مدثر حسین، نادرا آفس نا نمائندہ تون اوار ایلو بندغ آک ساڑی ئسر۔ دیوان اٹ بنا مروک آ مردم شْماری اٹ گمانی وڑاٹ پیش بروک آ ویل آ جوان غور کننگا۔ دیوان آن تران کرسا ڈپٹی کمشنر نصیرآباد عائشہ زہری پارینے کہ ڈیجیٹل مردم شْماری ءِ سرسہبی ٹی پورو کننگ کن کل سپروائزر آتا بھلو زمواری اس دوٹی مریک کہ او دا قومی آ فرض انا ادائیگی ءِ جوان وڑاٹ پورو کے۔

(خ ن)