پشین‘ تعلیم ہر چنا نا بنداوی حق ءِ‘ ڈاکٹر یاسر بازئی
Get real time updates directly on you device, subscribe now.
پشین : ڈپٹی کمشنر پشین ڈاکٹر یاسر بازئی پارینے کہ ضلع پشین اٹ اسکول داخلہ مہم ءِ سرسہب کننگ کن کل وسیلہ غاتیان کاریم ہلنگک۔ اُلس اٹ شعور ودی کننگ کن گام گیج کننگ انگ ءِ۔ اینخو 15452 پوسکن ءُ چناتے سکول اٹ داخل کننگ نا ٹارگٹ تننگانے۔ دا خیال آتا درشانی ڈپٹی کمشنر پشین ڈاکٹر یاسر بازئی ڈسٹرکٹ ایجوکیشن آفیسر عبدالواسیع کاکڑ و ایلو افسر تتون اوار داخلہ مہم نا بابت اٹ پریس کانفرنس آن تران کرسا کرے۔ او پارینے کہ تعلیم ہر چنا نا بنداوی حق ءِ۔ تعلیم نا بابت تینا چنا تے جوان معلومدار کننگے۔ او وخت آ اے ڈی سی جنرل شراف الدین ترین، پی آر او ٹو ڈپٹی کمشنر سمیع ترین، ڈی ڈی او ایز میل محمد زمان ترین، ملک نور احمد، اورنگزیب کاکڑ، ڈی ڈی او ایز فیمیل سید فریدہ شاہ، ذہرہ خانم، ڈسٹرکٹ منیجر یونسیف محمد اسماعیل جلازئی و اسسٹنٹ ڈائریکٹر این سی ایچ ڈی عبداللہ اچکزئی تون اوار ایلوفک ہم ساڑی ئسر۔
(خ ن)