جج و اسہ جرنیل، دا 5 انا سازشی ٹولی اسے، مریم نواز

سرگودھا : مسلم لیگ (ن) نا بنجائی نائب صدر و چیف آرگنائزر مریم نواز پارینے کہ اسٹیبلشمنٹ عمران خان نا کتر کتر ناٹوکری ءِ تیناکوپہ غان خسا تو اودے اِرا مسہ جج تینا کاٹم آ ہرفیر‘ گھڑی دز ہراتم آن حکومت آن ہنانے نن خفک بسسر کہ سازش مس‘ سازش گھڑی دز آخا نوازشریف نا برخلاف مس۔ نوازشریف نا برخلاف سازش اٹ پنچ بندغ نا ٹولی اوار ئس‘ 5 انا ٹولی نا بھلا فیض حمید تینے تینٹ آرمی چیف پن کریسس‘ ہندا پنچ انا ٹولی پاکستان نا بدحالی نا زموار ءِ، مسلم لیگ ن گچین کاری تیان خلپک‘ نئے بیرہ گچین کاری تے ٹی بشخ ہلینہ بلکہ سرسہب ہم مرینہ۔ دا خیال آتا درشانی ءِ او سرگودھا ٹی مسلم لیگ ن نا ورکرز کنونشن آن تران کرسا کرے۔ مریم نواز دا وخت آ بھلا بھلا اسکرین آ پنچ بندغ نا فوٹو تے چلیفے ہرافتے ٹی جنرل (ر) فیض حمید، جسٹس مظاہر نقوی، جسٹس اعجاز الاحسن، ثاقب نثار و عظمت سعید کھوسہ اوار ئس۔ سازش اصل اٹ نواز شریف نا برخلاف مس۔ 2014 ٹی اوفتا دھرنا بے سہب مس تو عدلیہ غان جج آک بش مسر ہراکہ کرپٹ جج ئسر اوفتتون کمک کریر۔ مریم نواز پارے کہ مسلم لیگ ن نا کل سرکڑدہ غاتے پٹسا نابود گوندنگا‘ مچ آسازش نا بھلا جنرل فیض ئس‘ اودے آرمی چیف جوڑ کننگ کن مہرہ نا گرج ئس۔ ہراتم 2014 ٹی دھرنا بے سہب مس تو او پوسکنءُ وڑ اس پٹا و جج آتے ہرفے‘ ہراتم مارچ بے سہب مس تو جسٹس کھوسہ پارے کہ پانامہ نا کیس ءِ کنے آ اتبو۔ او مستی پارے کہ پولیس والا‘ الس و تحریک انتشار ہم خف تورے کہ عمران خان تاریخ نا کھد کتر مننگ ءِ و شیر بننگ اٹی ءِ۔ نواز شریف بس تو کل گڑاک جوان مریرہ‘ کل گچین کاری تا تیاری کبو‘ دا گچین کاری ٹی نئے بیرہ بشخ ہلوئی ءِ بلکہ کٹوئی ءِ تے۔ مسلم لیگ ن گچین کاری تیان خلپک نئے بیرہ گچین کاری تے ٹی بشخ ہلیک بلکہ سرسہب ہم مریک۔

(آن لائن)