پاکستان نا مقبوضہ کشمیر اٹی انسانی حق آتا خلاف ورزی تیا گڑتی

اسلام آباد : پاکستان بھارت نا کنڈآن مقبوضہ کشمیر اٹ انسانی حق آتا پد ریسہ خلاف ورزی تیا گڑتی درشان کرسا پارینے کہ جہانی برادری دا خلاف ورزی تا نوٹس ءِ ہلے۔ اوغانستان اٹ مروک مذاکرات اٹ ہڑتوم آ ملک آک دہشت گردی نا برخلاف اسیجائی اٹ کاریم کننگ آامنا کریر۔ وزیراعظم ارشد شریف خون باندات آ کینیا نا صدرتون ہیت کرینے‘ کینیا نا صدر جاست پاست اٹ پورو کمک کننگ نا باور کرفینے۔ دفترخارجہ نا ترجمان پنچ شنبے نادے پریس حوال اٹی پارے کہ پاکستان و امریکہ نا نیام اٹ واپاری و زرکاری فریم ورک ایگریمنٹ (ٹیفا) کونسل نا 9 می دیوان داوخت آ واشنگٹن اٹی برجاءِ۔ ٹیفا کونسل نا دیوان نا اسیجائی کماشی ءِ وزیر واپار سید نوید قمر و امریکی واپاری نمائندہ کیتھرین تائی ئسک کریر۔ ٹیفا ہڑتوم آملک آتے ہڑتوم آ کنڈآتا واپار و زرکاری آ گپ وتران کننگ کن اسہ فورم اس فراوان کیک ہراٹی ا مریکی مارکیٹ اسکان پاکستانی برآمد اسکان رسینگ نا پٹنگ ہم اوارءِ۔ ترجمان پارے کہ دیوان اٹی فریق آک واپار، زرکاری، کشت وکشار، فوڈ سیکورٹی و آئی ٹی کمکاری ٹی تدوک آ سال اڈ ہلوک ٹیفا انٹرسیشن دیوان آن پد مروک آ پیش رفت نا جاچ ءِ ہلیرہ و تین پہ تینی وڑاٹ فائدہ مند وڑاٹ واپاری تعلقداری تے پین سوگو کننگ نا وڑوڈول آتیا ہم گپ وتران کیرہ۔ اوپارے کہ اینو نا ٹیفا کونسل نا دیوان دا سال امریکہ تون بڑزکو کہولی ہڑتوم آ کنڈآتا گپ وتران نا چرجوئی ٹی اسہ پین مزل نا نشان اسے۔ ترجمان پارے کہ دا کمکاری نا گیشتر بنداو ہڑتوم آ کنڈ آتا ایجنڈا ءِ مون آ دننگ اٹ مثبت رفتار ءِ ودفنگ کن ہڑتوم آ فریق آتا کنڈ آن منسلک اہمیت نا پیدواری ءِ کیک۔ امریکہ۔ پاکستان ٹیفا کونسل نا آخیریکو دیوان 2016ء ٹی اسلام آباد اٹی مسوسس۔ دفترخارجہ نا ترجمان پارے کہ بنجائی وزیر خزانہ محمد اسحاق ڈار اینو تاشقند اٹی مروک آ ازبکستان پاکستان بین الحکومتی کمیشن واپاری اقتصادی و سائنسی تکنیکی کمکاری نا ہشت می دیوان اٹی پاکستانی ڈل انا کماشی ءِ کیک۔ ازبکستان نا ڈل انا کماشی ءِ وزیر زرکاری، صنعت و واپار لازیز قدراتوف کیک۔ ترجمان پارے کہ دیوان اٹی واپار و زرکاری، کشت وکشار، تعلیم، سائنس و ٹیکنالوجی، سیل وسوات، ٹرانسپورٹ و مواصلات تون اوار چندی بشخ آتیٹی ہڑتوم آ کنڈ آتا اقتصادی کمکاری آ چکار کننگک۔

(آن لائن/ اے پی پی)