ایشین تھروبال فیڈریشن پاکستان ءِ ایشین چمپئن شپ نا مہمانداری تننگا

کراچی (مانیٹرنگ ڈیسک) کورونا کرائسز اٹ پاکستان کن بھلو خوشخبری اس، ایشین تھروبال فیڈریشن پاکستان ءِ ایشین چمپئن شپ نا مہمانداری ءِ تس۔ پاکستان ءِ اولیکو بھلا ایونٹ نا مہمانداری رسینگا، ایشین تھروبال فیڈریشن نا چمپئن شپ نا مہمانداری پاکستان ءِ رسینگا ہراٹی بھارت، ملائشیا، سری لنکا، انڈونیشیا، سنگاپور، بنگلہ دیش تونا وار دہ ملک آک بشخ ہلیرہ۔ سیکرٹری پاکستان تھروبال مقبول آرائیں پارینے کورونا کرائسز آن بیدس ایشین چمپئن شپ نا مہمانداری پاکستان ءِ ملنگ بھلو سرسہبی اسے۔ چمپئن شپ نا مہمانداری ءِ پک کننگ کن حکومت و اسپورٹس بورڈ ءِ چٹھی اس نوشتہ کرینے۔ کورونا کرائسز اٹ ایشین چمپئن شپ نا اڈ تننگ آن پاکستان اٹ انٹرنیشنل گوازی تا پدی بننگ نا کسر ملنگک۔