مچ آ زند پاکستان کن گوازی کپننگ نا افسوز سلک‘عمران طاہر

لاہور (مانیٹرنگ ڈیسک) پاکستانی باتی سویلی افریقی کرکٹرعمران طاہر پارینے کہ زندگی ٹی داڑان بھلو ہچ ءُُ ڈکھ اس مننگ کپک کہ نم اسہ دم اٹ کل ءِ ہلسا پین ملک اسے آ شفٹ مر ولے ای دا سمجھوہ کہ ای ہرا فیصلہ ءِ کریٹ اللہ اوٹی برکت شاغا۔ عمران طاہر پارینے کہ کل کریڈٹ ءِ تینا زئیفہ ءِ ایتوہ ہرا کنا بھاز کمک ءِ کرے، سویلی افریقہ ٹی اولیکو 5 سال لوکل کرکٹ گوازی کرین، پاکستان نا نمائندگی کپننگ نا افسوز کیوہ ولے سویلی افریقہ ٹی ہرا سرسہبی تے دوئی کریٹ اوفتے آ گمر کیوہ، او جاگہ نا اُلس کنے تینا کریر و ہنداخس عزت تسر کنے ای سمجھوہ داخس آسان الو۔ 41 سال نا لیگ اسپنر عمران طاہر پارینے کہ بھلو گوازی گر اسے نا جوڑی ٹی لاہور کرکٹ نا بھاز بھلو دو اسے انتئے کہ داڑے فرسٹ کلاس کرکٹ گوازی کننگ آ داخس سختی مسوسس کہ دنیا ٹی ہچ ءُُ جاگہ اس دن الو۔ کنے لاہور اٹ کرکٹ گوازی کننگ آ ہر وخت گمر مریک۔