ڈبلیو ٹی اے ٹور پالرمو اوپن ٹینس ٹورنامنٹ 3 اگست آن بنا مریک
Get real time updates directly on you device, subscribe now.
روم (مانیٹرنگ ڈیسک) ڈبلیو ٹی اے پالرمو اوپن ٹینس ٹورنامنٹ نا 26 میکو ایڈیشن 3 اگست آن اٹلی ٹی بنا مریک۔ اینخو مارچ اٹ ٹینس ایونٹ آتا کینسل مننگ آن پد 3 اگست آن اٹلی ٹی بنا مروک آ کلے کورٹ ٹورنامنٹ ٹاپ لیول ٹینس نا پدی بننگ نا پارینے۔ پالرمو نیاڑی تا ٹینس ٹورنامنٹ ءِ ہرا کنٹری ٹائم کلب اٹ پیشن نا مَش انا کورٹ اٹ گوازی کننگک۔ ڈبلیو ٹی اے پالرمو ٹینس ٹورنامنٹ اٹ دنیائے ٹینس نا ٹاپ 20 گوازی گرتیان پنچ داٹی بشخ ہلیرہ۔ ٹورنامنٹ انتظامیہ نا رداٹ ڈبلیو ٹی اے ایونٹ نا سرسہب ءُُ اڈ ترفنگ اسے کن تیاریک برجا ءُُ، ہراٹی دنیائے ٹینس نا پنی آ گوازی گر ٹائٹل نا دوئی کننگ کن ایکشن اٹ خننگک۔ ٹورنامنٹ نا نیاڑی تا سنگل آتا مقابلہ ٹی سوئٹزرلینڈ نا جل بیلن ٹیچ مین تینا اعزاز نا رکھ ءِ کیک۔ برطانوی ٹینس سٹار جوہانا کونٹا اگست اٹ ڈبلیو ٹی اے ٹور ولدا بنا مننگ آ بنائی پالرمو اوپن ٹینس ٹورنامنٹ اٹ بشخ ہلنگ ءِ پک کرینے۔ پالرمو ایونٹ نا بنا 1988ء ٹی مس، ایونٹ نا اولیکو ارا ایڈیشن سیٹلائٹ سرکٹ نا بشخ اس ئس اوکان پد 1990ء آن پد دا ڈبلیو ٹی اے ٹور نا بشخ اس جوڑ مسوسُس، ٹورنامنٹ کن 2 لکھ 20 ہزار امریکی ڈالر انعامی پیسہ جتا کرینو۔ ٹورنامنٹ 3 اگست آن بنا مرسا ہفت دے اسکان برجا سلنگ آن پد 9 اگست ءِ ایسر مریک۔