کورونا دَین نا سوب آن اینخو’بیلن ڈی اور‘ ایوارڈ تفننگ نا پڑو
Get real time updates directly on you device, subscribe now.
پیرس (مانیٹرنگ ڈیسک) کورونا وائرس نا دَین نا سوب آن فٹبال نا کاریم تا زہمی مننگ نا سوب آن سال نا اولیکو بھلا و معتبر فٹبال نا ایوارڈ بیلن ڈی ءِ اینخو تفنگ نا فیصلہ کننگانے۔ رانس فٹبال میگزین نا کنڈآن تروک آ ایوارڈ بیلن ڈی و کو 1956 اٹ اسٹینلے میوتھیوز ءِ اولیکو وار تننگاسُس او اوکان پد ہر سال اودے جوان فٹبالر آتے تننگک۔ دا وخت اسکان ارجنٹائن نا لیونل میسی ریکارڈ شش وار دا ایوارڈ ءِ کٹانے وخت اس کہ اوفتا روایتی حریف کرسٹیانو رونالڈو پنچ وار دا ایوارڈ ءِ تینا پن آ کرینے۔ میگزین 2018 ٹی نیاڑی فٹبالر تے ہم ایوارڈ تننگ نا چِر ءِ بنا کریسُس ولے داسہ دا چِِر ءِ ہم توننگا۔ فرانس فٹبال نا ایڈیٹر پاسکل فیر انٹرویو ٹی پارینے کہ اسہ عجیب ءُُ سال اس مسنے ہرادے نن اسہ عام ءُُ سال اسے نا وڑ اٹ ہننگ کپنہ و نن اِرا تُو مس فیصلہ ہلنگ بنا کریسُن۔