شہزاد اکبر نا عہدہ بدل، پرسجوئی و داخلہ سلاہکار پن

اسلام آباد(آن لائن) وزیراعظم عمران خان خصوصی کمکار احتساب و امور داخلہ شہزاد اکبر ءِ سلاہکار احتساب و امور داخلہ وخت اس کہ سلاہکار موسمیاتی تبدیلی ملک امین اسلم ءِ خصوصی کمکار برائے موسمیاتی بدلی تعینات کرینے۔ ہڑتوم آتا عہدہ غاک بنجائی وزیر نا بریبری ٹی مریرہ۔ کابینہ ڈویژن عہدہ غاتیٹی بدلی تا نوٹیفیکیشن ءِ جاری کرے۔ حوال نا رداٹ تدوک آ دے وزیراعظم عمران خان بنجائی کابینہ ٹی اِرا عہدہ غاتیٹی بدلی کرینے۔ وزیراعظم نا خصوصی کمکار برائے احتساب و امور داخلہ شہزاد اکبر ءِ سلاہکار برائے احتساب و امور داخلہ تعینات کننگانے۔ اونا عہدہ بنجائی وزیر نا بریبر مریک ہندن سلاہکار برائے موسمیاتی بدلی ملک امین اسلم نا عہدہ بدل کرسا اودے خصوصی کمکار برائے موسمیاتی بدلی نا عہدہ تننگانے۔ ملک امین اسلم نا عہدہ ہم بنجائی وزیر نا بریبری ٹی مریک۔ کیبینٹ ڈویژن ہڑتوم آ تعیناتی تا نوٹیفیکیشن ءِ جاری کرینے۔