زموار صحافت وخت انا اہم ءُ گرج اسے‘ منیر احمد درانی
Get real time updates directly on you device, subscribe now.
قلات : ڈپٹی کمشنرقلات منیراحمددرانی پارینے کہ زمہ دار صحافت وخت انا اہم ءُ گرج اسے۔ میڈیا نا نمائندہ غاک تینا راجی زمہ داری تا احسان ءِ کرسا راجی شونداری ٹی جوان کڑد ادا کیر۔ اُلس ءِ دوئی ویل آتا پاش کننگ و اوفتا ایسری کن صحافی برادری نا کڑد بھاز اہمیت تخک شوندار و مہذب آ راج انا تشکیل اٹ زموار آ صحافی تا بھاز بھلو کڑد اس مسنے۔ دا خیال آتا درشانی ءِ او صحافی تا اسہ ڈل اسے تون اوڑدہی نا وخت آ کرے۔ ڈل اٹ قلات اٹ جتا جتا اخبار و ٹی وی چینل آتا نمائندہ بیورو چیفس و رپورٹر ہرافتیٹی آغاقادرشاہ عبداللہ لہڑی یوسف مینگل فیض نیچاری عبدالواحد دہوار مقبول گل امجدسلامی نائب اسرار یاسرزہری ایم ڈی مینگل عیدمحمدنیچاری علی حسن زیب و شاہد مینگل تون اوار بھلو کچ اسے ٹی صحافی برادری نا بندغ آک اوار ئسر۔
(آن لائن)