میاں محمد نواز شریف ہندا زوت اٹ پاکستان آ بریک‘ جعفرخان مندوخیل
Get real time updates directly on you device, subscribe now.
کوئٹہ : پاکستان مسلم لیگ(ن) نا صوبائی صدر و مسکوہی صوبائی وزیر شیخ جعفر خان مندوخیل پارینے کہ مسلم لیگ(ن) نا حکومت وزیر اعظم میاں شہباز شریف نا کماشی ٹی ملک انا زرگزرانی آخبت ءِ رکھوک کننگ نا بنداو ءِ تخانو۔ سرمایہ کاری کن جوڑ کروک آ خاص انگا کونسل نا جوڑی و سنگت ملک آتا کمک آن ملک ٹیک آف کیک۔ مسلم لیگ(ن) نا کماش میاں محمد نواز شریف بھاز زوت پاکستان آ بریک و بروک آ گچین کاری تیٹی گچینی مہم نا کماشی ءِ کیک۔ دا ہیت ءِ او تدوک آ دے تینا دفتر اٹ مسلم لیگ(ن) نا جتا جتا ڈل آتون ہیت وگپ کرسا کرے۔ شیخ جعفرخان مندوخیل پارینے کہ مسلم لیگ(ن) نا صدر میاں شہباز شریف ملک انا کماشی ءِ سنبھالا تو ملک زرگزرانی کاختی نا گواچنی مسوسس۔ پاکستان ڈیفالٹ مننگ آن بھازخڑک ئس ولے ننا حکومت ملکی مفاد اٹ سخت ءُ فیصلہ کرسا ملک ءِ ڈیفالٹ مننگ آن بچفینے۔
(آن لائن)