عمران خان و پی ٹی آئی نا ایلو راہشون تیا 127 کیس انا لڑ عدالت اٹ جمع

لاہور: پنجاب و اسلام آباد پولیس نا کنڈآن عمران خان و پی ٹی آئی ناایلوراہشون وکارندہ غاتا برخلاف 127 کیس انا لڑ لاہور ہائیکورٹ اٹ جمع کرفنگا۔ لاہور ہائیکورٹ نا جسٹس طارق سلیم شیخ چیئرمین پی ٹی آئی عمران خان نا درخواست نا سماعت ءِ کرے ہرانا وخت آ پنجاب حکومت حلف نامہ تون اوار کیس تا سرجم آتے عدالت اٹ جمع کرفے۔ فواد چوہدری سرکاری وکیل آن حلف نامہ نا سوج کرے تو جج اودے تورے و پارے کہ دا سوج کننگ عدالت نا حق ءِ نا اف‘ سماعت ناوخت آ بنجائی حکومت نا وکیل 43 و پنجاب حکومت نا وکیل 84 کیس انا لڑ ءِ فراوان کرے‘اوفتیان عمران خان نا برخلاف پنجاب اٹ 6 وخت اس کہ اسلام آباد اٹ 28 کیس درج ءُ‘ بنجائی حکومت نا وکیل پارے کہ درخواست گزار نا برخلاف اسہ کیس اس ایف آئی اے تون ءِ ہراڑا فواد چوہدری پارے کہ ای تو پاریٹہ 100کیس مرور ولے دا تو سنچری آن ایپار مسنو۔

(آن لائن)