وزیر اعظم نا تھرپارکر اٹی ہسپتال اس جوڑ کننگ نا پڑو

تھرپارکر : وزیراعظم محمد شہباز شریف تھرپارکر اٹی ہسپتال اس جوڑ کننگ نا پڑوکرسا پارینے کہ کہ بنجا و سندھ ءِ اواری اٹ زرکاری و ڈٹ بندی کننگے، ہنداوڑ بروک آ سال تیٹی پاکستان شونداری نا رُمب اٹی بھاز مون آ ہِننگ کیک۔ وزیراعظم پارے کہ ٹرانسمیشن لائن تیا ترندی اٹ کاریم کننگ انگ ءِ، بدبختی نا ہیت دادے کہ تدوک آ 4 سال اٹی دا بابت پش اس ہم کاریم ہم کننگتنے، 30 اپریل اسکان ٹرانسمیشن لائن ناکاریم ءِ کننگک ہراڑان داڑے ودی مروک آ بجلی پاکستان نا طول و عرض اٹ سرمریک۔ وزیراعظم پارے کہ دا بابت فارن ایکسچینج نا ویل ئس ہراداسہ ایسر مسنے و پیشن آن مشینری بروئی ئس و بسنو۔ وزیراعظم وزیر توانائی ءِ پارت کرے کہ داکاریم ءِ تررندی اٹ پورو کننگے تانکہ دُن مف کہ بجلی ساڑی مرے ولے اونا فراوانی ٹی ویل مرے، 30 اپریل اسکان داکاریم ءِ ہرحال اٹ پورو کننگے۔ وزیراعظم بلاول بھٹو زرداری، وزیراعلیٰ سندھ مراد علی شاہ، وزیر توانائی و تعلقدار وزارت وکمامدارآتے دا ڈٹ آ شاباش ترسا پارے کہ تھر انا شونداری پاکستان نا شونداری ءِ۔ اوچین وپاکستان نا زرکارآتے ہم مبارکبادی تس ہرافک دا ڈٹ آکاریم کریر۔ وزیراعظم چینی صدر و چین نا حکومت و تعلقدار کمامدارآتا ہم منت واری ءِ ہرفے ہرا غٹ تر مشکل آتیان پد ہم سی پیک نا ڈٹ آتے مون آ دننگ کن پبی وڑاٹ کوشست کننگ ءُ۔ وزیراعظم پارے کہ کشت و کشار، ٹیکنالوجی، ٹریڈ، زرکاری واکنامک زون تا جوڑ کننگ سی پیک نا بروک آ ریسہ ءِ۔ دا چرجوئی ٹی نن چینی سرکڑدہ غاتون ہیت کرینن، وزیر خارجہ ہم دا چرجوئی ٹی پورو وڑاٹ متحرک ءِ، چینی کمامدارآتیان خواست کیوہ کہ داسہ وخت بسنے کہ سی پیک نا بروک آ ریسہ ءِ ہم مون آ دننگے۔ وزیراعظم پارے کہ سیوتی حکومت سی پیک ءِ شونداری نا ذریعہ تکک، انشاء اللہ نن اواری اٹ پاکستان ءِ ساڑی آ مشکل آتیان کشنہ و پاکستان نا بدخواہ ہرا پاکستان نا شونداری نا دشمن ءُ اوفتے بوز اٹ کنوئی تمک، اوفتے شکست مریک۔ وزیراعظم پارے کہ ای داڑے اینو سیاسی بابت ہچ ءُ ہیت اس کننگ خواپرہ ولے داپاننگ خواوہ کہ آئین پاکستان ننا غٹ اکن مقدم ءِ، پاکستان نا گیشتر مفاد کن ننے تینا ذات ءِ قربانی کروئی تمے تو دا ہچ ءُ قربانی اس اف و کس اس کانود و آئین آن ایڑتر اف،

(اے پی پی)