فٹبال کلب ریال میڈرڈ نا مسکوہی صدر کورونا وائرس آن تپاخت
Get real time updates directly on you device, subscribe now.
اسپین (مانیٹرنگ ڈیسک) اسپین نا پنی آ فٹ بال کلب ریال میڈرڈ نا مسکوہی صدر لورینزو سانز کورونا وائرس نا سوب آن تپاخت کرے۔ درملکی خبر رساں ادارہ نا رداٹ صدر لورینزو سانز نا وہی 76 سال ئس او لورینزو سانز 1995 آن 2000 اسکان اسپینش فٹ بال کلب ریال میدرڈ نا صدر ئس۔ لورینزو سانز کورونا وائرس نا گواچی مننگ آن پد ہسپتال اٹ داخل ئس۔ لورینزو سانز نا کماشی ٹی ریال میڈرڈ ارا وار چیمپئنز لیگ نا ٹائٹل ءِ تینا پن آ کریسس۔ یات سلے کہ فٹبال اسٹار کرسٹیانو رونالڈو ہم میڈیرا ٹی دا وخت آ کرنٹائن اٹی ءِ۔ انتئے کہ اونا اسہ ٹیم انا باسک اسے ٹی ہم کورونا وائرس پک مسوسس۔