پی ایس ایل 5 نا پریزینٹر ایرن ہالینڈ آئسولیشن اٹ تینا سال دے ءِ اڈ تس

اسلام آباد (مانیٹرنگ ڈیسک) ایرن ہالینڈ تینا 31 میکو سال دے ءِ ہم تنہائی ٹی اڈ تس۔ وخت اس کہ اُلس ءِ دا کلہو ءِ تس کہ دا وخت آن کل آن المی بندغ نا جند انا و اونا اُرا والا تا جانجوڑی ءِ۔ انٹرنیشنل کرکٹ کونسل (آئی سی سی) نا میچ ریفری روشن ماہناما پارینے کہ کورونا وائرس آن بچفنگ نا پام کننگے، اونا ٹیسٹ منفی بسنے داڑان بیدس او اُرا تیٹی سلنگ ءِ جوان تکانو۔ وخت اس کہ آسٹریلوی پریزینٹر ایرن ہالینڈ ہم تینا 31 میکو سال دے ءِ تنہائی ٹی اڈ تس۔ پاکستان سپر لیگ (پی ایس ایل) نا آسٹریلوی پریزینٹر ایرن ہالینڈ کورونا وائرس نا سوب آن پام انا وڑ اٹ تینے تینٹ تنہا کرے۔ ایرن ہالینڈ تینا 31 میکو سال دے ءِ تنہائی ٹی اڈ ترسا اُلس ءِ دا کلہو ءِ تس کہ دا وخت آن کل آن جوان انگا گڑا تینا رکھ ءِ او تینا اُرا والاتا رکھ ءِ۔ داڑان بیدس پی ایس ایل فائیو اٹ میچ ریفری نا دود آتے سنبھالوک آ روشن ماہناما ہم پاکستان آن پد بننگ آ سیلف آئسولیشن ءِ دوئی کرینے۔ اودے پاکستان اٹ مروک آ کورونا وائرس ٹیسٹ انا رپورٹ دوئی مسنے، ماہناما پارینے کہ اونا کورونا وائرس ٹیسٹ منفی ءِ، داڑان بیدس او اُراٹی رہنگ انگ ءِ جوان تکک۔