بلوچستان اٹ کورونا وائرس نا ناجوڑ اس کزیت کرے‘ سندھ و گلگت اٹ لاک ڈاؤن بنا

اسلام آباد(مانیٹرنگ ڈیسک) وزیراعظم عمران خان پارینے ملک اٹ لاک ڈاؤن خلپنہ اُلس بایدے تینٹ کرنٹائن کے تینے، اُلس تینا اُرا تیان پیش تمپ، کورونا وائرس نا توننگ نا بابت ملک انا مسہ صوبہ سندھ، بلوچستان او پنجاب فوج آن کمک خواہسنو، وخت اس کہ سندھ و گلگت بلتستان اٹ لاک ڈاؤن بنا مسنے۔ دا وخت اسکان ملک اٹ کل 780 بندغ اٹ کووڈ19 پک مسنے وخت اس کہ 6 بندغ تپاخت کرینو۔ کہوک آتیان 2 سندھ، 1 بلوچستان، 3 کے پی او اسٹ اس گلگت بلتستان نا ءِ۔