پاک اوغان سیم پوریا گرتیکن ملنگا‘ کُن خور نا گڑاتیان پُر انگا ٹرک آک ایپار

چمن(آن لائن) پاک اوغان سیم 19 دے بند کننگ آن پد 20 میکو دے پوریا گرتیکن ملنگا، وزیراعظم پاکستان عمران خان نا پارت آتا رداٹ بیرہ کُن خور نا گڑاتا ٹرک آتے ہننگ نا موکل تننگے۔ پند اٹ ہننگ بننگ مالو آمبار بند ءِ۔ حوال نا رداٹ پاک اوغان سیم کرونا وائرس نا تالانی نا خلیس آن اینو 20 میکو دے ہم بند ئس۔ وخت اس کہ پاکستان نا وزیراعظم عمران خان نا پارت آتا رداٹ پاک اوغان سیم آ کُن خور نا ٹرک آتے اوغانستان آ ہننگ نا موکل رسینگانے۔ ہرافتیٹی کُن خور نا گڑاتیان پُر انگا ٹرک آک سیم آن ایپار ہنار۔ وخت اس کہ پاک اوغان سیم آ پند اٹ ہننگ بننگ داسکان کن بند ءِ۔ ہراڑان دا وخت اسکان کیہی مسافرک پاکستان اٹ اختہ ءُ۔ پاک اوغان سیم نا بندی نا سوب آن واپاری کاریمک بند ءُ داڑان چنکا واپار تے بھاز آ ویل آک دوئی ءُ۔