قرآن پاک نا بے شرفی نا مذمت، پاکستان اٹ جمہوریت ءِ سپورٹ کینہ، امریکہ

واشنگٹن : ترجمان امریکی محکمہ خارجہ میتھیو ملر پارینے کہ پاکستان اٹ بنداوی جمہوری اصول آتا مخ تفی ءِ کینہ۔ میڈیا رپورٹ آتا رد اٹ واشنگٹن اٹ پریس بریفنگ نا وخت آ میتھیو ملر پرے کہ آجو میڈیا‘ آجوسلاہی درشانی‘ مچی اڈ تننگ کن بایدے آجوئی مرے‘ ہندا کل اصول آک جمہوری گچین کاری تا بنداو ءُ ہرافتا مخ تفی ءِ کینہ۔ او پاکستان اٹ دہشتگردی نا واقعہ و اوغانستان نا حالیت آتیا ہیت وگپ کرسا پارے کہ طالبان تا قول تیان چَپ نن امریکی فائدہ غاتا رکھ انا حق ءِ برجا تخنہ۔ ترجمان امریکی محکمہ خارجہ پارینے کہ ڈیہہ اٹ دہشت گردی نا برخلاف کارروائی کننگ نا لائخی تے برجا تخنگک۔ میتھیو ملر قرآن پاک نا بے شرفی نا مذمت ءِ کرسا پارے کہ دا پراگندہ ءُ عمل اسے‘ نن دا عمل نا مذمت ءِ کینہ۔

(آن لائن)