توانائی بچت روڈمیپ ءِ جوڑ کننگ اٹ سرسہب مسنن، آغا حسن بلوچ
Get real time updates directly on you device, subscribe now.
کوئٹہ: بنجائی وزیر برائے سائنس و ٹیکنالوجی آغا حسن بلوچ اینو انرجی ایفیشینسی و بچت آ نیشنل اسٹیک ہولڈر کنسلٹیشن 2023 آن تران کرسا پارینے کہ اینو نن ملک اٹ توانائی نا بچت نا بابت اٹ قومی کہول آ روڈمیپ جوڑ کننگ اٹ سرسہب مسنو۔ و دانا براہ راست اثر ملکی زرمبادلہ غا تمک۔ او پارینے کہ ملک اٹ ہراخس توانائی نا بچت نا جاگہ غا کاہک۔ ہندن درآمدی توانائی و خام تیل آ اثر کم مریک۔ بنجائی وزیر آغا حسن پارینے کہ دور حاضر اٹ ہر ملک انا پائیدار معاشی و صنعتی شونداری نا دارومدار بڑی حد اسکان توانائی نا بیدس بندی، پک ءُ آب و پین کسر اسے آن فراوانی تون گنڈوک ءِ۔ او بشخندار ہرافتیٹی صنعتی شعبہ نا نمائندہ و بڑزکو افسرک اوار ئسر۔ اوفتے تران کرسا پارینے کہ نن حکومت انرجی ایفیشینسی و کنزرویشن پالیسی 2023 منظور کرینے۔ ولے دادے عملی وڑاٹ نافذ کننگ نا ڈٹ آ نما رایہ ننکن بھاز فائدہ مند ءِ۔ بنجائی وزیر آغا حسن بلوچ پارینے کہ وزیراعظم کی پارت آتا روشنائی ٹی بھاز چنکو وخت اسے ٹی پاکستان اٹ انرجی کنزرویشن بلڈنگ کوڈذ جوڑ کننگ اٹ سرسہب مسنو۔
(آن لائن)