3 تُو اٹ سیکورٹی فورس آتا کارروائی تیٹی 142 دہشتگرد خلنگار

راولپنڈی: سیکورٹی فورس آتا مچ آ ملک اٹی دہشت گردی نا چٹفنگ کن کارروائی سرسہبی اٹ برجاءِ، جم وڑاٹ مچ آملک اٹی 6921 آپریشن آتیٹی 142 دہشت گرد خلنگانو، وخت اس کہ 1007 ءِ دزگیر کننگا۔ سیکورٹی حوالی نا رداٹ ساڑی آ ودوک آ دہشت گردی نا برخلاف سیکورٹی فورس آک مچ آ ملک اٹی بے کچ آپریشن کریر۔ سیکورٹی فورس آک تدوک آ 3 تُو اٹی نئے بیرہ دہشت گرد و اوفتا کمکارآتے دزگیر کریر بلکن چندی جلہو آتے ہم بے سہب کریر۔ خیبرپختونخوا ٹی 1960 آپریشن مس ہرافتے ٹی 1516ایریا ڈومینیشن آپریشن، 301 انٹیلی جنس بیسڈ آپریشن، 143 ایریا سینیٹایزیشن آپریشن اوار ءُ، داوخت آ 98 دہشت گرد آتے زوال و 540 ءِ دزگیر کننگا۔ بلوچستان اٹی 3414 آپریشن کننگا ہرافتے ٹی 2980 ایریا ڈومینیشن آپریشن، 67 انٹیلی جنس بیسڈ آپریشن، 367 ایریا سینیٹائزیشن آپریشن اوار ءُ، دا آپریشن آتیٹی 40 دہشت گرد زوال و 112 ءِ دزگیر کننگا۔ سندھ اٹی 752 انٹیلی جنس بیسڈ آپریشن کننگا ہرافتے ٹی 3 دہشت گرد آتے زوال و 344 ءِ دزگیر کننگا۔ پنجاب اٹی 165 انٹیلی جنس بیسڈ آپریشن کننگا۔ دا آپریشن آتیٹی اسہ دہشت گرد اسے زوال و 11 ءِ دزگیر کننگا۔ مچ آ ملک اٹی دہشت گرد ی نا توننگ کن سیکورٹی فورس آتا آپریشن برجاءِ۔

(اے پی پی)